Нема производи во вашата кошничка.

Клуб 5*
  • 100% Безбедно купување
  • Вистински избор
  • Плаќање на рати
Најголемите митови за вежбањето

Најголемите митови за вежбањето

Погрешните информации можат да доведат до контра ефекти од секоја активност. Токму затоа, треба да ги препознаете митовите за вежбањето и засекогаш да заборавите на нив.

Погрешните информации можат да доведат до контра ефекти од секоја активност. Токму затоа, треба да ги препознаете митовите за вежбањето и засекогаш да заборавите на нив. 1. Правете од 8 до 12 повторувања по серија

Овој број повторувања го утврдил Јан Мекквин во 1954 година како оптимален за раст на мускулите. Всушност, според најновите истражувања, се работи за умерено затегнување на мускулите во умерен временски период – т.е. ни ваму ни таму. Поголемиот отпор (затегнување) што доаѓа од потешки тегови предизвикува раст на мускулите, поточно на мускулните влакна, што најмногу ја зголемува силата. Поголем период на затегнување (повеќе повторувања) води кон зголемување на мускулната маса преку зголемување на структурите за создавање енергија околу мускулните влакна, што ја подобрува издржливоста. Класичната препорака за 8 до 12 повторувања создава баланс помеѓу овие два вида засилување на мускулите. Но, доколку постојано се држите до тој тип вежби, тогаш ќе ги пропуштите најголемите придобивки од фокусираните вежби. Правете варијации – помалку повторувања со поголема тежина, повеќе повторувања со помала тежина. 2. Правете по 3 серии од секоја вежба

Според Томас Делорм, кој ова го напишал во 1948 година, три серии по 10 повторувања даваат еднакви резултати како 10 серии по 10 повторувања. Вистината е дека нема ништо погрешно во правењето три серии, но исто така нема ништо магично. Токму затоа, бројот на серии не треба да биде одреден од препорака што е стара повеќе од 50 години. Доколку изведувате повеќе серии, тогаш секоја серија треба да има помалку повторувања и обратно. Важно е единствено да внимавате да не се истоштите со премногу вежбање. 3. Правете по 3 до 4 вежби за секоја група мускули

Според тврдењето на Арнолд Шварценегер од 1966 година, на овој начин ќе бидете сигурни дека ќе ги опфатите сите мускулни влакна во мускулите што ги вежбате. Всушност, само ќе потрошите многу повеќе време, затоа што неговата препорака се комбинира со „направете три серии од 8 до 12 повторувања“. Тоа значи дека ќе треба да направите и до 144 повторувања за секоја мускулна група. Проблемот во случајов е што ако можете да направите 100 повторувања за која било мускулна група, не вежбате доволно напорно. Наместо да се фокусирате на бројот на различни вежби, целете вкупниот број на повторувања да биде помеѓу 25 и 50 по мускулна група. 4. Кога дигате тегови, вовлечете ги стомачните мускули

Во 1999 година, истражувачите во Австралија откриле дека мажите со проблеми со грбот имале потешкотии при активацијата на страничните стомачни мускули. Оттогаш, голем број фитнес експерти препорачуваат да се вовлекува стомакот колку што е можно повеќе при дигање тегови, за да се избегнат повреди на грбот. Иако истражувањето било точно, интерпретацијата не била најсоодветна. Телото секогаш ги активира мускулите што се најпогодни за стабилизација на ’рбетот и мускулите секогаш работат во групи за да овозможат најдобра можна потпора. Страничните стомачни мускули не секогаш се пресудниот фактор. Едноставно стегнете ги сите стомачни мускули пред дигање тегови, за да ги подготвите за напорот што следува. Но, нема потреба да го вовлекувате стомакот.